REGENERATE Illes Balears egitasmoak Opengela bisitatu du Euskadin dagoen eraikinen birgaitze-prozesu integrala ezagutzeko

REGENERATE Illes Balears elkarteko ordezkariek Otxar Opengela bisitatu dute

Bilbon ospatu den jardunaldi tekniko bikoitz batean, bi europar proiektuek esperientziak eta praktika onak trukatu dituzte hiri-berroneratze zerbitzuetan aplikatzeko asmoz.

Euskadin Opengelan lan egiten emandako bi urteei esker irabazitako esperientziak REGENERATE Illes Balears proiekturako inspirazio bezala balio izan du. Horrek berriki bere etxebizitza birgaitze-programa hasi du Menorcan, Palma Mallorcakoan eta Ibizan. Bi egitasmoen kideak, Europar Komisioak finantziatutak daudenak, Bilbon uztailaren 20an eta 21ean ospatutako jardunaldi tekniko bikoitza batean batu ziren, non hiri-berroneratze arloko esperientziak eta praktika onak trukatu zituzten.

Eusko Jaurlaritza, Bilboko Udal Etxebizitzak, Debegesa eta Lasarte-Oriako Udalarekin batera, bisita honen anfitrioiak izan ziren, non hitzaldi ezberdinak egon ziren Opengela programaren alderdi teknikoak eta sozioekonomikoak jorratzeko. Ukitutako gaien artean, finantziazioari buruz GNE aritu zen, Opengelako kidea eta REGENERATE proiektua ere koordinatzen duena. Izan ere, Borja Gumuziok helburuetako bat familia zaurgarrien etxebizitzen birgaitze-energetikoaren %100 finantziatzea zela azaldu zuen.

Gainera, Opengelako ordezkariek Cristina Gómez, Menorcako Okupazio, Etxebizitza eta Kooperazio Lokalaren sailburu irlatarra, eta Josep Maria Rigo, Palma Mallorcakoako Udalaren Etxebizitza zuzendari nagusia, bi bisitetan lagundu zituzten: lehenengoa, Otxarkoagako (Bilbo) auzo-bulegora, eta bigarrena, Basaundiko auzo-bulegora, Lasarte-Oriako (Gipuzkoa) auzo bat, non udalak Opengelaren antzeko proiektu bat bultzatzen ari den.

Otxar Opengelan, ordezkari balearrek zuzenean ezagutu zituzten 16 atari eta 240 etxebizitzetan garatzen ari diren hiri-berroneratze zerbitzuak, auzoteriari arreta, izapide administratiboak, profesionalekin harremana eta dirulaguntzen bideraketa barneratzen dituztenak. Lasarte-Orian, David Mateos-ek ordezkari balearrak hartu zituen, bigarren alkateordea eta Udalaren Zerbitzu Publikoen zinegotzia. Mateos-ek Basaundiko gertuko bulegotik eskaintzen den zerbitzua aurkeztu zuen, eta zoladura publikoa birgaitzeko egiten ari diren lanak ere bisitatu zituzten.

Opengela eta REGENERATE, bi europar egitasmo helburu bakar batekin: hiri-berroneratzea

Opengela proiektua 2019an jarri zen abian, Horizon 2020 eta Europar Batasunaren laguntzarekin, 1,7 milioi eurorekin. Eusko Jaurlaritzaren Lurralde Plangintza eta Hiri Agenda sailak buruturik, Opengelak hirien bizi-kalitatea hobetzea du helburu, berroneratzearen bidez. Auzo-bulegoak sortzean datza, non, leihatila bakarra bezala lan eginez, auzoteria bere eraikinen birgaitze-prozesu osoan zehar laguntzen duten. Otxarkoaga (Bilbo) eta Txonta (Eibar) bi proiektu pilotuak izan dira, eta eredua beste lekutan erreplikatzeko prozesua jadanik hasi da.

Bere aldetik, REGENERATE Illes Balears proiektua Europar Komisioaren laguntza ere badu, Horizon 2020aren bidez. Bi milioi euro eman dizkio, etxebizitza parkearen berroneratzea bultzatzeko programa bat garatzeko asmoz, aldaketa klimatikoari aurre egin, irisgarritasun unibertsala erraztu eta hiritarren konfort-a handitzeko asmoz.

Egitasmo honek Europar Batasunaren Horizon 2020 ikerketa eta berrikuntza programaren dirulaguntza jaso du, zbk. 846707 dirulaguntza-hitzarmenaren arabera

Otxar Opengela

Helbidea: Pau Casals hiribidea, 16 (Otxarkoaga, Bilbo).

Telefono zenbakia: 946 85 19 32

Posta elektronikoa: otxaropengela@vvmm.bilbao.eu

Txonta Opengela

Helbidea: Txonta kalea, 3, beheko solairua (Eibar)

Telefono zenbakia: 688 77 97 37

Posta elektronikoa: txontabulegoa@eibar.eus

30/06/202102/07/2021

Opengela egitasmo europarra aurrera doa eraikinak birgaitzen Otxarkoagan

Miguel de los Toyos, Eusko Jaurlaritzako Lurralde Plangintzaren eta Hiri Agendaren sailburuordea, eta Jon Bilbao, Bilboko Etxebizitza Saileko zinegotzi eta Udal Etxebizitzen presidentea Otxar Opengelan

- Lurralde Plangintza sailburuordeak eta Etxebizitza zinegotziak auzo-bulegoa bisitatu dute lanen jarraipena egiteko. Distritu bilbotarra gizarterako jasangarria den eko-auzo batean bilakatzean datza, ehun asoziatiboaren inplikazio zuzenarekin.
- Otxar Opengela bulegoan, birgaituko diren bost erakinetatik lauren jabeekin bilerak hasi dira, eta kutsoak eta tailerrak egiteko espazio bat ere badu.

Eusko Jaurlaritzako Lurralde Plangintza eta Hiri Agenda sailburuordeak, Miguel de los Toyos, eta Bilboko Etxebizitza zinegotziak eta Udal Etxebizitzen lehendakariak, Jon Bilbao, astearte honetan, ekainaren 29an, Otxarkoagan hiri-birsorkuntza eta eraikinen birgaitzerako martxan dagoen Opengela egitasmoaren jarraipen-bisita egin zuten. Bilera Otxar Opengelan izan zen, baita iniziatibaren parte diren eraikinetan.

Auzo bilbotarra, Eibarrekin batera, auzo-bulego bat abian jarri den pilotuetako bat da, auzoteria bere eraikinen birgaitze-prozesu osoan laguntzeko asmoarekin. Bertan, arduradunek jabe-komunitateak artatzen dituzte, lanen kontratazioa, dirulaguntza publikoen kudeaketa, finantziaziora sarbidea, energia-eraginkortasunaren hobekuntza edo irisgarritasuna bezalako jardueratan. Auzo-bulegoen eredua beste euskal udalerritan erreplikatzen hasi da.

Otxar Opengela bost blokeetatik hiruren egoiliarrekin topaketa-lekua izaten ari da, birgaitze-lanak hasteko beharrezkoak diren ekintzak koordinatzeko. Zehazki, honako blokeak dira: Txotena kaleko 18-24 zenbakiak, Larrakoetxe kaleko 1 zenbakia eta Txotena kaleko 12-16 zenbakiak. Bi lehenengoetan lanak jadanik hasi dira, Txotena kaleko 12-16 zenbakiak lizitazio fasean dauden bitartean.

Eraikin hauen auzokoei asistentzia eta aholkularitza eskaintzeko asmoz, Otxar Opengela artatzen duten pertsonek haiekin harremanetan jarri dira jadanik, eta lanak garatzeko xehetasunak aurreratu dizkiete inplikatutako bost eraikinetatik lauri.

Zehazki, urte honetan zehar, bulegoak zazpi auzoko-bilera hartu ditu bere baitan, hartu beharreko erabakietan aholkua emateko asmoz. Otxar Opengelako aholkulariek banako-kudeaketak ere egiten dituzte auzoko bakoitzarekin, barnealdeko akaberak edo zalantza edo erreklamazioak konpontzeko. Gainera, telefonoz artatzen dituzte lanen etorkizunari buruzko zalantzak. Horien eginkizunen artean finantziazioari buruzko orientazioa eta banako dirulaguntza publikoen izapidea ere badaude.

Bulegoa hiri-birgaitzearen gaineko ikerkuntzarako espazio bat ere badu, non eragile publiko eta pribatuek parte-hartzen duten. Erabilera anitzeko areto hauetan, jadanik, hiri-birgaitzeari buruzko hainbat kurtso eta tailer egin dira, baita enplegutasun-anezkak ere. Izan ere, bi kurtso eta hiru tailer bertan izan dira, baita Euskal Autonomia Erkidegoko auzo-bulegoen koordinazio bilerak ere, Otxar Opengela aukeratu dutenak sesio hauek egiteko.

Eusko Jaurlaritzako Lurralde Plangintza eta Hiri Agenda sailburuordeak, Miguel de los Toyos, Opengelaren eginkizuna balioztatu du birgaitze prozesu osoan. “Auzokoei laguntzazkoa zaien leihatila bakarra da -azpimarratu du-, baita orientatzen dituena, eta bai arlo teknikoan bai administratiboan laguntzen die”. Otxarkoagako egitasmoaren anbizioa ere nabarmendu du, “ez baita espazio publikoen eta etxebizitzen berrikuntzara mugatzen, baizik eta auzoaren suspertze integrala ere planteatzen du, arlo ekonomikoa, enplegutasuna eta kohesio soziala kontuan hartuz”.

Ekintza anitz

Distrituan hiri-birgaitzea eta energia-eraginkortasunarekin lotura duten ekintza anitz jarri dira martxan, ehun-asoziatiboaren partaidetzarekin. Orain Otxar izenpeko iniziatiba baten testuinguruan, helburua Otxarkoaga gizarterako jasangarria den eko-auzo batean bilakatzea da. Hirian egiten den mota honetako lehenengo esperientzia da, erakundeen kolaboraziari eta Eusko Jaurlaritzako Lurralde Plangintza, Etxebizitza eta Garraio Sailak eta Bilboko Udal Etxebizitzak hiri-birgaitzearen alde egin duten apustuari esker.

Bilboko Udalaren Etxebizitza zinegotziak eta Udal Etxebizitzen lehendakariak, Jon Bilbao, aipatu zuen arabera, “proiektuaren birgaitze-planan dauden bost eraikinetatik, bi errendimendu osoan garatzen ari dira, eta F merkataritza-gunearen birmoldaketa ere bukatu egin da, laster ekintza soziokulturalak bere baitan hartzeko. Energia-autokontsumo mankomunitatearen diseinuan ere lan egiten ari gara, auzokideek eguzki-plaken instalaziotik etorritako soberakin energetikoa aprobetxatzea ahalbidetuko duena”.

Ekintza nabarmenena energia-eraginkortasunaren eta irisgarritasun unibertsalaren arabera egingo den bost eraikinen birgaitzea da. Guztira, beste jabeei proposatzen ari zaien interbentzioa hiru kaletako (Irumineta, Txotena eta Larrakoetxe) 16 ataritan banatutako 240 etxebizitzari eragingo die. Lan honi 2017ra arte Bilboko lau eraikinetako 228 etxebizitzatan egin zena gehituko zaio.

Hori guztia beste egitasmo europar batekin konplementatzen da, PV Adapt deritzona eta eraikinetan integratutako eguzki-energia fotovoltaiko sistema berri bat aplikatzea duena helburu. Sorkuntza berriko panelak diseinatu eta frogatzea du ardatz, eta Otxar Opengela bulegoan, F merkataritza-bulegoan eta birgaituko den eraikuntza batean instalatuko direnak. Panelak, elektrizitatea sortzeaz gain, isolatzaileak dira eta etxaurretarako akabera bezala balio dute.

Egitasmo honek Europar Batasunaren Horizon 2020 ikerketa eta berrikuntza programaren dirulaguntza jaso du, zbk. 846707 dirulaguntza-hitzarmenaren arabera

Otxar Opengela

Helbidea: Pau Casals hiribidea, 16 (Otxarkoaga, Bilbo).

Telefono zenbakia: 946 85 19 32

Posta elektronikoa: otxaropengela@vvmm.bilbao.eu

Txonta Opengela

Helbidea: Txonta kalea, 3, beheko solairua (Eibar)

Telefono zenbakia: 688 77 97 37

Posta elektronikoa: txontabulegoa@eibar.eus

24/06/202129/06/2021

«Opengela beste hiri-ingurune batzuetarako erreferentzia izatea eta beste ekimen batzuen inspirazioa izatea espero dut»

Elkarrizketa- Miguel de los Toyos, Eusko Jaurlaritzako Lurralde Plangintzaren eta Hiri Agendaren sailburuordea

«Opengela beste hiri-ingurune batzuetarako erreferentzia izatea eta beste ekimen batzuen inspirazioa izatea espero dut»

Miguel de los Toyos, Eusko Jaurlaritzako Lurralde Plangintzaren eta Hiri Agendaren sailburuordea

Miguel de los Toyos Eusko Jaurlaritzako Lurralde Plangintzaren eta Hiri Agendaren sailburuordea bihurtu zen joan den martxoan, Eibarko alkate kargua, 2008tik, utzi ondoren. Beraz, Opengela proiektuari buruz duen ezagutza osoa da, bai udalaren ikuspegitik, bai egungo erantzukizunetik.

Elkarrizketa honetan, Eusko Jaurlaritzako sailak koordinatutako proiektuaren inguruan duen ikuspuntua ematen du. Proiektuak auzo-bulegoak ezartzen ditu hiria berroneratzeko prozesuei ekiteko, eta Europako Batzordearen Horizon 2020 programak finantzatzen du. Otxarkoaga (Bilbon) eta Txonta (Eibar) pilotuak dira, eta dagoeneko hasi da eredua beste leku batzuetan errepikatzeko prozesua.

Opengela proiektua gertutik ezagutzen duzu. Erakundeen arteko eta auzokoen arteko koordinazio-maila handia eskatzen du. Hasi eta bi urtera, nola kalifikatzen duzu proiektua?

Proiektuak hiru oinarri ditu, eta ezin da bat bera ere alde batera utzi: Eusko Jaurlaritza, sustatzaile gisa; udalak, konpromiso serio eta konbentzitua behar dutenak; eta auzo-komunitateak. Horrek esan nahi du aldez aurreko lana, informazioa ematekoa eta konpromisoa erakustekoa, luzea eta progresiboa dela. Beraz, ikusi ahal dena, hau da, erreformak, proiektuaren azken fasean egiten dira, baina horrek ez du esan nahi aurretik landu ez denik. Denbora asko eman behar da azkenean proiektuak aurrera egin dezan eta oinarrietan indarra izan dezan. Une honetan, oinarri horiek finkatuta daude eta orain eraikina nola hazten den ikusiko dugu.

Europako Itun Berdearen barruan, ‘Berriztatze olatuaren’ aldeko apustu handia egin da Europan, pandemiaren ondoren ekonomia bultzatzeko eragile nagusietako bat den aldetik. Nola egokitzen da Opengela proiektua testuinguru horretan?

Opengela, hasiera batean, bat dator nazioarteko, Europako, nazioko eta Euskal Herriko politika publiko guztiekin. 2015ean, Nazio Batuek 17 Garapen Jasangarriko Helburuak ezarri zituzten, eta horietan 11.a hiri jasangarriak dira. Opengela GJH horren gauzatzearen adibide praktikoa da. Orain hiru trantsizio aipatzen dira eta guztiak Opengelan ematen dira. Ekologikoa: Opengelak eraginkortasun energetikoa eta 2050erako deskarbonizazioa bilatzen ditu, hau da, irisgarritasuna. Trantsizio digitalean, energia-komunitateak, kontsumoen digitalizazioa eta mugikortasun elektrikoa sortzen dira. Eta trantsizio soziala eta demografikoa. Hiria berroneratzeko proiektua da, eta ingurunea ez ezik (eraikinak, kaleak, plazak) pertsonak ere kontuan hartzen ditu. Prestakuntza, enplegua eta pertsona ahulen babesa lantzen ditu. Opengelak dioenez, Itun Berdearekin bat dator hasieratik, ituna bera existitu aurretik.

Hiria berroneratzeko proiektu ugari daude Espainian eta Europan. Zerk bereizten du Opengela?

Proiektu honek ikuspegi holistikoa du, zeharkakoa. Hiri-ingurunea identifikatu da, ez Jaurlaritzak bakarrik, baita udalek ere. Eta alderdi soziala funtsezkoa da, auzo ahuletan jarduten delako.

Europako proiektu honen arrakasta eredua Bilbotik eta Eibartik haratago egiteko aukeraren araberakoa izango da. Badira beste udalerri batzuk eredu bera aplikatzeko lehen urratsak ematen ari direnak. Nola doa prozesu hori?

Proiektuarekin bat egin zuten bi udalerriei, Bilbori eta Eibarri, beste bi gehitu zaizkie: Lasarte eta Durango. Eta, laster, Pasaia ere partaide izango da. Lan asko egin da, eta orain aurrera egiten dugu, hiri-berroneratze moduan emaitzak lortzeko. Horretan ari gara enbrioi-fasean. Aldi berean, Bizkaiko beste lau udal sartzen ari gara Opengelan: Portugalete, Trapagaran, Abanto-Zierbena eta Santurtzi. Beren inguruneetan jarduteko moduari buruzko hausnarketetan, hiri-berroneratzea proiektu estrategiko gisa identifikatu dute. Gauza bera gertatzen da Arabako beste eskualde batean, Aiaraldean. Horrek erakusten du hiri-berroneratze integralaren interesa. Laster Europatik funts gehigarriak jasoko ditugu eta, hiria berroneratzeko proiektuak bultzatzeko, 70 udalerri baino gehiagoren eta 110 ekimen baino gehiagoren interes estrategikoa jaso dugu. Oraindik garapen-fasean dauden bi udalerritako esperientzia pilotu batetik, Opengelak berez erakarri du antzeko diagnostikoa duten beste udalerri batzuen interesa. Arrakasta horrek Europako proiektu honetara aurkeztean aukera ona hartu genuela erakusten du. Aurrerapauso bat eman genuen, eta beste batzuk urrats egokia zela berretsi dute.

Zure ustez, zein da proiektuari ekiteko zailtasun nagusia?

Udaletik bizi izan dut proiektu honen zatirik handiena, alkate gisa. Opengelaren konplexutasun nagusia ideiak bateratzea eta proiektuan parte hartzen duten komunitate eta pertsona guztiei haiekin bizi-kalitatea nola hobetuko duten ikusaraztea da. Eusko Jaurlaritzak lehen azalpen-lana egiten du udaletan, eta, gero, udalek egiten dute lan bera auzokoekin. Prozesu geldoa da, progresiboa. 16 etxebizitzako komunitate bati igogailua jartzeko erabakia hartzea luzea bada, pentsa 200 etxebizitzako komunitate bat dagoela inguru kaltebera batean. Ados jarri behar dira. Pedagogia eta aukera bistaratzea, agian konplexua dena baina, zalantzarik gabe, ezinbestekoa dena.

Funtsezkoa da hiri-berroneratzeko prozesuak auzotarren partehartzearekin egitea. Zuk kalean bertan entzun dituzu pertsonen kezkak. Nola antzeman dela uste duzu proiektua?

Pertsonen artean desberdintasunak ohikoak dira. Komunitate batzuek kezka bat dute eta beren beharrak antzeman dituzte: igogailua, fatxada konpontzea… Kasu horretan, errazagoa da hurbiltzea, eta laguntzaile bihurtzen zara. Beste komunitate batzuek ez dute behar hori antzeman, eta nolabaiteko eszeptizismoa dute. Hasierako konfiantza falta, auzoko proiektuak aurrera ateratzen direla ikusten duten heinean, eraikinak arrakastaz eraberritzen direla ikusten dute, eta horrek hurbilen bizi direnen egunerokotasunean duen eragin positiboa errazago gainditzen da.

Opengelaren proiekzio europarra ukaezina da. Zergatik aztertu beharko lukete Europar Batasuneko beste leku batzuk Euskadin hiri-berroneratzeari dagokionez garatzen ari den prozesua?

Denok ikasi behar dugu guztiengandik. Beste leku batzuetan arreta jarri dugu. Baina, nire ustez, hemen irakasteko ekimenak baditugu. Ziurrenik, denei ez die balioko, herrialde eta udalerri bakoitzak bere izaera duelako. Baina egon daitezke balio dieten aldagaiak. Opengelak duen birtualtasunik handiena, alde batetik, 2050erako lortu nahi ditugun hiriekin eta urte horretara iritsi arte egin nahi dugun bidearekin lerrokatuta dagoela da. Eta, bestetik, proiektuaren zeharkakotasuna. Intelektualki oso ondo arntolatuta dago. Ez dugu guk esaten, baizik eta beste agenteek, Hiri Agendaren Ministeriotik eta bertaratzen garen nazioko eta nazioarteko foroetan. Orain auzo ahuletara eramaten ari gara, eta errealitate bat bihurtzen ari da. Espero dut beste hiri-ingurune batzuetarako erreferentzia izatea eta beste ekimen batzuk inspiratzea.

Egitasmo honek Europar Batasunaren Horizon 2020 ikerketa eta berrikuntza programaren dirulaguntza jaso du, zbk. 846707 dirulaguntza-hitzarmenaren arabera

Otxar Opengela

Helbidea: Pau Casals hiribidea, 16 (Otxarkoaga, Bilbo).

Telefono zenbakia: 946 85 19 32

Posta elektronikoa: otxaropengela@vvmm.bilbao.eu

Txonta Opengela

Helbidea: Txonta kalea, 3, beheko solairua (Eibar)

Telefono zenbakia: 688 77 97 37

Posta elektronikoa: txontabulegoa@eibar.eus

17/06/202125/06/2021

Lehenengo aldamioak auzoetan

Opengela proiektuaren oinarria hiri-berroneratzea da, eta, zehazki, eraikinak birgaitzea. Txontan, Eibarren, eta Otxarkoagan, Bilbon, lanak aurrera doaz programara gehitu diren komunitateetan. Lehen lanak abian dira, pandemiak prozesua zaildu duen arren.

Otxarkoagan, proiektuak 16 atari eta 240 etxebizitza hartzen ditu, eta lanak aurrera doaz 108 etxebizitza hartzen dituzten 5 ataritan: Txotena 18, 20, 22 eta 24, eta Larrakoetxe 1.

Txotena kalean, lanak martxan daude, aldamioak ikusten baitira. Baina, horrez gain, era guztietako zeregin espezializatuak garatzen ari dira: instalazio termikoak eta energia berriztagarriak, itxitura termikoak…

Bulegoaren eta auzotarren arteko harremana etengabea da, obrekin edo leihoak aldatzearekin lotutako kontsulta mota guztiekin.

Larrakoetxe 1en egikaritze-proiektua amaitu da. Bertan, auzoko bulegoak parte hartu du obraren pleguak berrikusten, eskaintzak ebaluatzen eta obra gauzatzeko eraikuntza-enpresa hautatzen.
Iazko ekainean, Txontan, bulegoak auzotarrekiko harremana berrezarri zuen, pandemiaren ondorioz hartu behar diren segurtasun neurri zorrotzak betez. Eta lanak aurrea doaz.

Guztira, Opengela proiektuak 17 ataritako 221 etxebizitzatan du eragina. Eraikinik aurreratuenak Txonta 36, 38 eta 40 dira, baita Txonta 2 ere, 67 etxebizitza guztira, eta dagoeneko lanen amaiera bideratzen ari dira. Txonta 3n lanak hasi dira eta urtebeteko epean amaitzea espero da.

Egitasmo honek Europar Batasunaren Horizon 2020 ikerketa eta berrikuntza programaren dirulaguntza jaso du, zbk. 846707 dirulaguntza-hitzarmenaren arabera

Otxar Opengela

Helbidea: Pau Casals hiribidea, 16 (Otxarkoaga, Bilbo).

Telefono zenbakia: 946 85 19 32

Posta elektronikoa: otxaropengela@vvmm.bilbao.eu

Txonta Opengela

Helbidea: Txonta kalea, 3, beheko solairua (Eibar)

Telefono zenbakia: 688 77 97 37

Posta elektronikoa: txontabulegoa@eibar.eus

10/06/202125/06/2021

Opengelak bere hiri-berroneratze programa Euskadi osoan erreplikatzeko oinarriak finkatu ditu

Opengela eredua edozein hiritan erreplikatu ahal izateko, beharrezkoa da hurbileko bulegoen funtzionamendu-oinarriak finkatzea, eta bulego bakoitzak, auzo bakoitzaren berezitasunetatik haratago, behar komun batzuen inguruan antolatzea. Hori dela eta, Europako proiektu honek ‘Liburu Zuri’ bat sortu du, abian jartzen diren bulegoak kudeatzeko oinarrizko printzipioak laburbiltzeko.

Dokumentuaren oinarria da Euskadiko etxebizitza parkeak -1960 urtea baino lehen eraikitako % 53- eredu jasangarri baterako trantsizioari aurre egin behar diola, eta ez soilik energetikoki. ‘Euskal Autonomia Erkidegoan eraikitako etxebizitza parkearen interbentzio-beharren diagnostikoa’ren arabera, biztanleriaren % 25,85 zaurgarritasun egoera larri edo oso larrian dago, eta horrek premiazkoa egiten du ingurumenaren fokua ez ezik herritarren bizi-kalitatearena ere izango duen plan bat aktibatzea.

Hori da, hain zuzen ere, Opengelaren helburua, Euskadiko etxebizitza-parkearen jasangarritasunerantz aurrera egitea, gizartean, ekonomian eta ingurumenean izan dezakeen eragina azpimarratuz. Hori dela eta, proiektu estrategikotzat jotzen da, eta guztiz bat dator ‘Euskadi Basque Country 2030’ Estrategian zehaztutako helburuekin. Estrategia horrek trantsizio energetikoa ez ezik, Eusko Jaurlaritzaren ekintzetara eramateko konpromisoa hartzen duen Garapen Jasangarriko Helburuen jomuga zehatz ugari ere bultzatzen ditu. Gainera, Opengelaren garapena guztiz bat dator ‘Bultzatu 2050 – Euskadiko Hiri Agendaren’ jarraibideekin.

Opengela eredua barruti-bulegoen inplementazioan oinarritzen da. Bulego horiek auzoak leheneratzeko prozesuak bateratzen dituzte, auzotarrei arreta eskainiz eta inplikatutako gainerako kolektiboak koordinatuz. Opengelak Otxarkoaga (Bilbo) eta Txonta (Eibar) auzoetako bi proiektu pilotu ditu abiapuntu, eta autonomia-erkidego osoan erreplikagarria izatea du helburu. Horretarako, beste lurralde batzuetara eskalagarritasuna erraztuko duten jarraibideak ezartzen ditu.

Proiektuak errendimendu ona izateak bulegoak auzoan egiten duen jardueraren emaitzak, eraikinen birgaitze integrala, etxebizitzen erosotasuna hobetzea eta bertan bizi diren biztanleen bizi-kalitatea hobetzea dakar, bai eta inbertsioaren zuzeneko eragina tokiko jarduera ekonomikoaren garapenean. Inpaktua neurtzeko, monitorizazio-tresna bat behar da, bulegoa planteatzen den auzoan proiektuak duen errendimendu-adierazleak definituko dituena, bai eta inpaktu sozioekonomikoaren, ingurumenaren eta hiriaren inpaktuaren adierazleak ere.
Halaber, bulegoaren kudeaketaren emaitzak neurtuko dira, bai eta proiektuan parte hartzen duten profesional eta enpresenak ere, eta herritarrek beren auzoaren hobekuntzan duten parte-hartzea ere neurtuko da. Auzoko bulegoek edo One-Stop-Shopsek (OSS) lagundu eta dinamizatuko dituzte errehabilitazio-prozesuak, eta horietan egingo da jarduketa horiek neurtzeko eta gainbegiratzeko lana. Horretarako, ildo komun batzuk ezarri dira, lan hori errazteko.

Bost esku-hartze arlo eta hiru koordinazio-maila

Emaitza positiboak lortzen diren jakitea ahalbidetuko duten adierazleek bost dimentsio jorratuko dituzte: eraikuntza (efizientzia energetiko edo konfort handiagoari dagokionez), hiri-ingurunea eta ingurumen-hobekuntza (zarata txikiagoa, segurtasun handiagoa, irisgarritasuna…), dimentsio soziodemografikoa (ahulezia sozial txikiagoa edo zerbitzu publiko hobeak), sozioekonomikoa (enplegagarritasun handiagoa, etxeko energia-kostu txikiagoak…) eta auzoko bulegoaren kudeaketa (laguntzen kudeaketa, finantzaketa, birgaitze-prozesuaren ezagutza…).

Emaitzak bermatzeko, beharrezkoa da kudeaketa-egitura bateratua, hierarkizatua eta eskualde-mailan planifikatua izatea, eta, aldi berean, egitura horren garapena malgua izatea. Egitura honen izaera bateratua hiru osagaitan oinarrituko da: kontzeptuala, finantzarioa eta teknikoa. Horretarako, maila globaleko kudeaketa-tresna bat eratu behar da, finantza-ekarpenen banaketa, jarduketen programazioa, esku hartzeko irizpideak eta prozedurak eta hainbat eremutan planteatutako helburuen betetze-mailaren jarraipena koordinatu eta kontrolatuko dituena.

Horretarako, Opengela ereduak hiru mailatako hierarkizazioa planteatzen du. Lehenik eta behin, Programaren Erakunde Kudeatzaile (PEK) bat arduratuko da barrutiko tokiko bulegoak koordinatzeaz, eta Euskadin ezartzen den Hiria Birgaitzeko eta/edo Berroneratzeko Plana garatuko du. Tokian-tokian, komeni bada, Tokiko Erakunde Kudeatzaileen Sarea (TEK) eratuko da, eta PKEek koordinatu eta zuzenduko du. Azkenik, Birgaitze Eremu bakoitzean komeni da Arloko Erakunde Kudeatzaileak (AEK) sortzea, bereziki eremu horiek tamaina handia dutenean.

PEKak izaera publiko-pribatua izango du, eta tresna horren bidez, eskualdeko organo eskudunak bere birgaitze-politikak praktikan jarriko ditu, eska daitezkeen enpresekin eta finantza-bitarteko pribatuekin koordinatuta. Gainera, horrelako jarduerak garatzen ibilbide luzea duten profesionalez osatutako Aditu Talde Tekniko (ATT) baten laguntza izango du.

ATTen helburuetako bat izango da bulegoetako kideei helaraztea beren lanerako ezartzen diren jarraibideak, edo eskualde-mailan diseinatutako estrategietatik eratortzen direnak. Diziplina anitzekoa izango da, ezarritako ildoetara egokitua, eta, adibidez, arkitekturako, ingeniaritzako, administrazioko, gizarte-hezkuntzako… profesionalek osatuko dute. Bulegoei laguntza eskainiko die honako zereginetan: inplikatutako eragileek prozesua hobeto ulertzeko informazio-orriak egiten, langileen profilak eta funtzioak ezartzen, eta horiek kontratatzeko irizpideak eta baremoak ezartzen.

Programaren nukleo aktiboa bulegoak dira. Tresna horren bidez, erakunde kudeatzaileek erraztasun guztiak eman diezazkiekete birgaikuntzaren onuradunei eta jarduketetan parte hartzen duten gainerako eragileei, kasuan kasuko eremuan esku-hartzea posible eta erakargarria izan dadin. Horrela, izapide burokratikoak minimizatzen dira eta prozesu osoan laguntzen zaie.

Opengela ereduaren funtzionamenduaren oinarri guztiak ‘White Book’ (Liburu Zuri) batean jasotzen dira. Dokumentuak Euskadin hurrengo auzo-bulegoak ezartzeko gida gisa balio du.

Egitasmo honek Europar Batasunaren Horizon 2020 ikerketa eta berrikuntza programaren dirulaguntza jaso du, zbk. 846707 dirulaguntza-hitzarmenaren arabera

Otxar Opengela

Helbidea: Pau Casals hiribidea, 16 (Otxarkoaga, Bilbo).

Telefono zenbakia: 946 85 19 32

Posta elektronikoa: otxaropengela@vvmm.bilbao.eu

Txonta Opengela

Helbidea: Txonta kalea, 3, beheko solairua (Eibar)

Telefono zenbakia: 688 77 97 37

Posta elektronikoa: txontabulegoa@eibar.eus

07/06/202107/06/2021

Lurralde Plangintzako Sailak hiri-berroneratze integrala sustatu du Ezkerraldea-Meatzaldeako lau auzo berritan, 14 milioi eurorekin

- Eusko Jaurlaritzaren Berpiztu programaren aparteko ekarpenak aukera ematen du bostehun bat etxebizitzatan eta haien auzoetan jarduteko Abanto-Zierbenan, Portugaleten, Santurtzin eta Trapagaranen
- Saila ari da, dagoeneko, Aiaraldeako udalekin lanean, bizilagun berriak hartzeko, beste 3,5 milioi gehiagorekin

Ignacio de la Puerta eta Miguel de los Toyos

Eusko Jaurlaritzak aparteko 14 milioi euro bideratuko ditu, 2021aren eta 2023aren artean, Ezkerraldea-Meatzaldeako lau auzotan hiri-berroneratze programetara, eskualde kalteberen edo lehentasunezko jardun-eremuen proiektu eragileen esparruan. Eusko Jaurlaritzako Lurralde Plangintza, Etxebizitza eta Garraio Saila, astelehen honetan, Bilbon, auzoetan jarduketa integralak sustatzeko funtsak jasoko dituzten udalekin batu da: Abanto-Zierbena, Portugalete, Santurtzi eta Trapagaran. 522 familia, guztira, izango dira eskualde horretan hiri-berroneratze integralerako funts gehigarrien onuradun zuzen.

Auzo horietako bakoitzean, hurbileko bulego bat sortuko da, opengela delakoa, bizilagunek finantzaketarako eta profesionaletarako bide izan dezaten, eraikinen irisgarritasuna eta energia-efizientzia hobetzeko. Halaber, hiri-inguruneetako hobekuntza-proiektuak sustatuko dira, eta auzoan bizi diren pertsonen enplegagarritasuna sustatu ahal izateko prestakuntza-ekimenak egongo dira.

Abanto-Zierbenaren kasuan, 200 etxebizitzatan esku hartuko da, Las Peñucas auzoan; Portugaleten, 23 etxebizitzatan, Grumete Diego kalean; Santurtzin, Aurora Vildósola multzoan, 104 etxebizitzatan, eta, azkenik, Trapagaranen, San Andres auzoan, dentsitate txikiko 135 etxebizitza obrerotan eta blokeko 60 etxebizitzatan.

14 milioi euro horiek 2020-24 Euskadiko Ekonomia eta Enplegua Suspertzeko Berpiztu programatik datoz; haren barruan, Eusko Jaurlaritzak plan berezia aktibatu du, guztira 180 milioi euroko aparteko aurrekontuarekin, lehentasunez jarduteko eremuetan proiektu eragileak sustatzeko –Ezkerraldea-Meatzaldea, Enkarterri, Oarsoaldea eta Aiaraldea–. Ekimenak aurten hasiko dira, eta 2023ra arte gauzatuko dira. Ezkerraldea-Meatzaldean auzo kalteberetako jarduketa integralerako baliatuko den kopurua honela banatuko da: 1,5 milioi, 2021ean; 6,4 milioi, 2022an, eta 6 milioi, 2023an. Une hauetan, Lurralde Plangintzako Sailburuordetza Aiaraldeako udalekin ari da lanean, hiri-berroneratzeko proiektu berriak identifikatzeko; 3,5 milioi euro daude erabilgarri ekimen mota hori sustatzeko.

Miguel de los Toyos Lurralde Plangintzako sailburuordeak honako hau esan du: “lau auzo berri horien bidez, bikoiztu egiten dugu, ia, hiri-berroneratzearen Euskadiko eredua ezarrita duten puntuen kopurua; modu aitzindaria da eremu kalteberetan esku hartzeko, berroneratze energetikotik eta etxebizitza eta auzoen irisgarritasunaren birgaitzetik, eta emaitza onak izaten ari da. Gainera, bizilagunen bizi-kalitatea hobetzeko ez ezik, haien prestakuntzan esku hartzeko aukera ere ematen du, lan-aukera berriak izan ditzaten. Formula hori, dagoeneko, eredugarri izaten ari da beste autonomia-erkidego batzuentzat”.

Auzo berri horien bidez, Opengela hiri-berroneratze integraleko proiektua Euskadiko bederatzi auzotan egongo da aktibo. Badaude abian Opengela Europako proiektuko bi auzoen opengelak, eredua probatzekoak –Otxarkoaga Bilbon, eta Txonta Eibarren–; Aramotz, Durango eta Basaundi Bailarakoak –Lasarte-Oria– ere badaude. 2021ean, hurbileko bulegoa duten auzoen artean Pasaiako Andonaegi auzoa ere egongo da, Lurralde Plangintza, Etxebizitza eta Garraio Sailaren aurrekontu arrunteko zortzi milioi eurorekin.

Egitasmo honek Europar Batasunaren Horizon 2020 ikerketa eta berrikuntza programaren dirulaguntza jaso du, zbk. 846707 dirulaguntza-hitzarmenaren arabera

Otxar Opengela

Helbidea: Pau Casals hiribidea, 16 (Otxarkoaga, Bilbo).

Telefono zenbakia: 946 85 19 32

Posta elektronikoa: otxaropengela@vvmm.bilbao.eu

Txonta Opengela

Helbidea: Txonta kalea, 3, beheko solairua (Eibar)

Telefono zenbakia: 688 77 97 37

Posta elektronikoa: txontabulegoa@eibar.eus

19/04/202119/04/2021

Lurralde Plangintza Sailak eta Repsol Fundazioak eraikinen birgaitze ekojasangarria eta auzoen berroneratzea bultzatuko dute Euskal Autonomia Erkidego osoan

Akordioaren bidez, 2021ean abian jarriko den Opengela Fundazioa sortuko da, Euskal Autonomia Erkidegoko auzoetan hiri-berroneratze integrala bultzatzeko, auzokoak aholkatuko dituzten hurbileko bulegoen bitartez.
Jarduketen helburua da gizarte-desberdinkeriak murriztea, kolektibo kalteberei eraberritze-lanetarako sarbidea erraztea eta energia-efizientziako jarduketen bidez CO2-arekiko hiri neutroak sustatzea.

António Calçada, Repsol Fundazioko zuzendariak eta Iñaki Arriola Lurralde, Plangintza, Etxebizitza eta Garraioetako sailburuak Opengela Fundazioa sortzeko aurreakordioa sinatu dute.

Iñaki Arriola Lurralde Plangintza, Etxebizitza eta Garraioetako sailburuak eta António Calçada Repsol Fundazioko zuzendaria Opengela Fundazioa sortzeko aurreakordioa sinatu dute astelehen honetan. Erakunde horren bidez, Euskal Autonomia Erkidegoan birgaitze-lan jasangarrien plan integral bat bultzatuko dute elkarrekin.

Fundazio berria izango da birgaitze ekojasangarriko proiektuak Autonomia Erkidego osoan kudeatuko dituen erakundea, eta dagoeneko aurrerapenak egiten ari dira jarduketa-eremuak identifikatzeko. Gaur egun, esku-hartze horiek Europako Opengela proiektuaren bidez egiten dira (Horizon 2020 programaren bidez finantzatuta), Txonta (Eibar) eta Otxarkoaga (Bilbo) auzo pilotuetan, eta Aramotz (Durango) eta Basaundi Bailara (Lasarte-Oria) auzoetan errepikatzen ari da proiektu horren eredua. Aipatutako proiektuak ez ezik, Eusko Jaurlaritzak hiri-berroneratzeko jarduketak sustatu ditu Koroatzean (Gasteiz) eta Txomin Enean (Donostia).

Opengela Fundazioa sortzeko urrats berri honen bidez, Eusko Jaurlaritzak eta Repsol Fundazioak Euskal Autonomia Erkidego osora hedatu nahi dute energetikoki jasangarria, irisgarria eta gizartearen eta hirigintzaren aldetik kohesionatua izango den auzo-eredu berriranzko bilakaera.

Jarduketak energia-efizientzian, irisgarritasunean eta egiturazko segurtasunean oinarrituko dira, isurketak murrizten eta pertsonen bizi-kalitatea hobetzen lagunduta. Opengela izeneko hurbileko bulegoek laguntza teknikoa emango dute birgaitze-lan horiek gauzatzeko, eta finantzaketa-programak ere eskainiko dituzte gizarte-kalteberatasuneko, iraupen luzeko langabeziako edo pobrezia energetikoko egoeran dauden pertsonei horrelako esku-hartzeetarako sarbidea emateko.

Opengela Fundazioa pribatua izango da, eta aurten lanean hastea espero da, Euskal Autonomia Erkidegoko Fundazioen Erregistroan inskribatu ondoren. Eusko Jaurlaritzarekin eta EAEko udalekin harreman estuan egingo du jarduera hori.

Berdintasuna eta berrikuntza hiri-birgaitzean eta -berroneratzean

Lurralde Plangintza, Etxebizitza eta Garraioetako sailburuak adierazi duenez, “Euskal Autonomia Erkidegoak Europa hegoaldeko etxebizitza libreen parkerik zaharrenetako bat du, eta betebeharra dugu energiaren aldetik jasangarriak izango diren birgaitzeen arloko iraultza pertsona guztien eskura jartzeko, haien erosahalmena edozein dela ere”.

Bestalde, António Calçada Repsol Fundazioko zuzendariak azpimarratu duenez, lankidetza honek “Trantsizio energetiko jasangarria eta inklusiboa bultzatzen du, isurketak murrizteko helburuetan lagunduz eta familien bizi-kalitatea hobetuz, batez ere ahulenak direnena. Gainera, eragin handia du suspertze ekonomikoan, birgaitze-lanak egiteko euskal enpresa-sarea garatzearen aldeko apustua egiten baitu”.

Akordio honen bidez, ikerketa, garapena eta berrikuntza sustatuko dira eraikinen birgaitzeari, hiri-berroneratzeari eta hiri jasangarri, inklusibo, kohesionatu eta erresilienteak garatzeari dagokionez.

Egitasmo honek Europar Batasunaren Horizon 2020 ikerketa eta berrikuntza programaren dirulaguntza jaso du, zbk. 846707 dirulaguntza-hitzarmenaren arabera

Otxar Opengela

Helbidea: Pau Casals hiribidea, 16 (Otxarkoaga, Bilbo).

Telefono zenbakia: 946 85 19 32

Posta elektronikoa: otxaropengela@vvmm.bilbao.eu

Txonta Opengela

Helbidea: Txonta kalea, 3, beheko solairua (Eibar)

Telefono zenbakia: 688 77 97 37

Posta elektronikoa: txontabulegoa@eibar.eus

06/04/202107/05/2021

Ezagutu nola lagun zaitzakeen auzo-bulego batek

Opengela programari lotutako auzo-bulegoek hainbat gairen inguruko informazioa ematea dute helburu: eskatu daitezkeen laguntza publikoak, auzoteria berritze-lanak suposatzen duten agiriak, erreformak egingo dituzten enpresak eta profesionalen kontratazioa, energia-eraginkortasuna eta eraikinen irisgarritasuna eta atzean inor ez uzteko finantziazio-tresnen sorkuntza. Hori guztia Opengelako bulegoek egiten dute eta jadanik zabalik daude.

Txontako (Eibar) eta Otxarkoagako (Bilbo) bi esperientzia pilotuak martxan daude eta leihatila bakarra bezala lan egiten dute, bi auzoak artatuz.

Bulegoak eraikinen berrikuntzaren prozesuan parte hartzen duten sektoreetako profesionalez eta enpresez ere arduratzen dira. Lanak gutxienezko kalitate estandarrekin egin daitezen bermatzea da helburu, baita kudeaketa ahalik eta errazen egitea ere.

Pandemia dela eta, bulegoek osasun neurri bereziak bermatzen dituzte. Otxarkoagan, Bilbon, beharrezkoa da aldez aurretik hitzordua eskatzea. Bertan bost eraikinetan ari dira lanak egiten, guztira 16 atari eta 240 etxebizitza.

Txontako auzoan ere, Eibarren, berrikuntza ematen ari da energia-eraginkortasuna eta irisgarritasuneko irizpideekin. Egitasmo pilotuak 221 etxebizitza eta 17 ataritan parte-hartzea suposatzen du.

Otxar Opengela Pau Casals hiribidearen 16. zenbakian dago kokaturik, auzoko metro-sarbidearen aurrean. 946 851 932 telefonoan edo otxaropengela@vvmm.bilbao.eus posta elektronikoan ere artatzen du.

Txonta Opengela Txonta kalean dago, 3. zenbakian, eta publikoa 688 779 737 telefonoan eta txontabulegoa@eibar.eus posta elektronikoan artatzen du.

Aurretiko hitzordua pandemiara moldatzeko

Pandemia Txonta eta Otxarkoagako esperientzia pilotuak martxan jartzeko oztopo izan da, baina ez du haien irekiera eragotzi. Bai Bilboko bulegoko hiru pertsonek bai Txonta Opengelako arduradunak interesa duten pertsonak artatzen dituzte hiri-berroneratze prozesuan. Hala ere, osasun-protokoloak errespetatu behar dira eta, Otxarkoagako kasuan, beharrezkoa da aldez aurretik hitzordua eskatzea.

Telefonoz deitu edo posta elektroniko bat idaztearekin nahikoa da bi bulegoekin data hitzartzeko.

Egitasmo honek Europar Batasunaren Horizon 2020 ikerketa eta berrikuntza programaren dirulaguntza jaso du, zbk. 846707 dirulaguntza-hitzarmenaren arabera

Otxar Opengela

Helbidea: Pau Casals hiribidea, 16 (Otxarkoaga, Bilbo).

Telefono zenbakia: 946 85 19 32

Posta elektronikoa: otxaropengela@vvmm.bilbao.eu

Txonta Opengela

Helbidea: Txonta kalea, 3, beheko solairua (Eibar)

Telefono zenbakia: 688 77 97 37

Posta elektronikoa: txontabulegoa@eibar.eus

06/04/202107/05/2021

Genero ikuspegia hiri-berroneratzean

Sonia De Gregorio ikertzaileak Eusko Jaurlaritzarako txosten bat egin du non gai hau kontuan izateko hainbat gomendio eman dituen, eta Otxarkoagako jokabideen inguruko froga pilotua ere jaso du.

Hiri-berroneratze prozesuei atxikitzen zaien begirada ezberdinen artean, genero ikuspegiak ez du tradizionalki lehentasunezko leku bat izan. Hala ere, gertuko analisi batek hainbat gako eman ditzake hiri-arloan dagoen genero desberdintasunaren inguruan.

Sonia de Gregoriok, Madrilgo Arkitektura Goi Eskola Teknikoko Hirigintza eta Lurralde Antolamendu Saileko ikertzaileak, hiri-berroneratzean genero ikuspegiaren gaineko lan sakona egin du, Bultzatu 2050 deritzon Euskadiko Hiri Agendaren alorrean. Esteka honetan dago eskuragai.

Lan honek, Eusko Jaurlaritzaren Lurralde Plangintzaren eta Hiri Agendaren Zuzendaritzak eskatuta, “hiri-berroneratze programetan parte hartu dezaketen pertsonak gidatzea” izan du helburuen artean, “genero ikuspegia jasotzeagatik nabarmentzen diren ikuspuntuak bultzatu ditzaten”. Honela, “genero ikuspegia duten hiri-berroneratzerako estrategien (frogatu eta beste proiektuetara eraman daitezkeenak) garapenean aurrera egitea” bermatu nahi da, alde batetik. Bestetik, “berdintasunerako ezinbestekoak diren balioen aldaketa bultzatu eta finkatu” nahi da.

Lanak “birsorkuntza estrategien markoan emakumeen errealitatea eta beharrak” kontuan izan behar direla aldarrikatzen du. Batez ere, auzo zaurgarrietan jartzen du begirada, eta beste gauza batzuen artean, parte-hartze prozesuan genero ikuspegia kontuan hartu behar dela erreklamatzen du, gizarte-talde guztien ahotsa entzun dadin, eta horien artean, emakumeena.

Sonia De Gregoriok irizpideak eman ditu adierazle batzuk ezartzeko. Zehazki, martxan jartzen diren jarduerek emakumeen errealitateari eta behar espezifikoei erantzuna ematen nola laguntzen duten “neurtzea” ahalbidetuko duten adierazleak. Horretarako, Eusko Jaurlaritzako Zuzendaritzaren Hiri-Berroneratzearen Zerbitzuko langileen laguntza izan du.

Ikertzaileak hiru zeharkako-ardatzetan jarri du fokua, Euskadiko Lurralde Antolamenduaren Gidalerroek (LAG) egiten duten bezala: genero ikuspegia, klimaren aldeko ekintza eta hiri-osasuna.

Eta zergatik hiri-berroneratzean genero ikuspegia ezarri? “Berroneratze politikak duen gaitasun eraldatzailean” dago gakoa, eta hau “emakume eta gizonen arteko berdintasunean aurrera egiteko lehentasun bezala” erabili behar da.

Otxarkoagan diagnostikoa

De Gregoriok hainbat ideia jaurti ditu, txikiak diruditen arren, egungo eredua erabat eraldatzen duten kontuetan genero ikuspegia kontuan hartzeko. Badaude, adibidez, zaintza lanak egunero egiten dituzten pertsonen (batez ere, emakumeak) eguneroko bizitza hobetzen duten ekintzak.

“Ibilgarritasunaren” ikuspegitik ere espazio publikoaren balizko hobekuntzak definitzen dira, hau da, bertatik ibiltzeko erosoagoa eta erakargarriagoa bihurtzea. “Segurtasun nabarituaren” ikuspegia ere aipatzen da, baita “bernaturalizazioa eta konfort klimatikoa”.

Lan honen barnean Otxarkoagako auzoan froga bat egin da, diagnostiko eta interbentzio proposamen pilotu batekin, genero ikuspegia auzo bilbotarraren berroneratzean hainbat ekintzetan ezartzeko asmoz.

Egitasmo honek Europar Batasunaren Horizon 2020 ikerketa eta berrikuntza programaren dirulaguntza jaso du, zbk. 846707 dirulaguntza-hitzarmenaren arabera

Otxar Opengela

Helbidea: Pau Casals hiribidea, 16 (Otxarkoaga, Bilbo).

Telefono zenbakia: 946 85 19 32

Posta elektronikoa: otxaropengela@vvmm.bilbao.eu

Txonta Opengela

Helbidea: Txonta kalea, 3, beheko solairua (Eibar)

Telefono zenbakia: 688 77 97 37

Posta elektronikoa: txontabulegoa@eibar.eus

06/04/202107/05/2021

Irlanda, Frantzia, Italia eta Austriarekin ikasten eta partekatzen

Europako beste leihatila bakar batzuekin esperientziak partekatzea hasieratik izan da Opengela proiektuaren DNAn doan helburuetako bat. Europar Batasunak babestutako iniziatiba denez, kontinentean garatu diren antzeko esperientziekin –bai finkatutako proiektuekin, bai iniziatiba berriekin- jakintzaren hartu-emana proiektu honen lehentasunetako bat izan da: besteengandik ikasi eta esperientziak partekatu aurrera egiteko.

Pandemiak misio honi oztopoak jarri dizkion arren, jadanik Tipperary (Irlanda), París-Îlle de France eta Amiens / Picardie-ra (Frantzia) bisitak egin dira, eta mugikortasunaren mugaketak direla eta, saio birtualak antolatu dira Milan (Italia) eta Vienarekin (Austria).

“Oso prozesu interesgarria da”, adierazi du Andoni Hidalgok, Opengelako kide den eta beste esperientzien ikaste-lan hori burutu duen Hiri Agendan adituak, “beste herrialdeetako ereduez ikastea baitago. Kasu bakoitza ezberdina da, baina badaude bat datozen eta gako irakasgarriak eman dizkiguten hainbat ezaugarri –adibidez, antolatze-ereduen, finantziazio tresnen edo komunikazio estrategien ingurukoak-”.

Lan hau azken hilabeteetan zehar Opengelako kideen nazioarteko zenbait konferentzietan parte-hartzearekin uztartu da, eta proiektuaren bizitza osoan zehar luzatuko da.

Egitasmo honek Europar Batasunaren Horizon 2020 ikerketa eta berrikuntza programaren dirulaguntza jaso du, zbk. 846707 dirulaguntza-hitzarmenaren arabera

Otxar Opengela

Helbidea: Pau Casals hiribidea, 16 (Otxarkoaga, Bilbo).

Telefono zenbakia: 946 85 19 32

Posta elektronikoa: otxaropengela@vvmm.bilbao.eu

Txonta Opengela

Helbidea: Txonta kalea, 3, beheko solairua (Eibar)

Telefono zenbakia: 688 77 97 37

Posta elektronikoa: txontabulegoa@eibar.eus