Adituen aholku-batzorde batean oinarritu da Opengela proiektua aberasteko helburuarekin 

  • Maiatzaren 24an, bigarren bilera egin zen, hiri-berroneratzearen balio-kate osoko 11 erakundeko ordezkariekin. 

Opengela ereduak hiri-berroneratzearekin lotutako soluzio berritzaileak garatzen ditu, eta irtenbide horiek Europako Batzordearen LIFE programak finantzatutako BIRTUOSS proiektu europarraren bidez ari dira hedatzen. Proiektu honetan partzuergoa osatzen duten 14 erakundeez gain, aholku-batzorde bat eratu da, hiri-berroneratzearen balio-kate osoko adituez osatua.

Maiatzaren 24an bildu zen bigarren aldiz kontseilu hori, eta 11 erakundek osatzen dute. Erakunde horiek beren ezagutza ematen dute proiektuaren emaitzak kontrastatu eta aberasteko. Ordezkariek hiri-berroneratzean funtsezkoak diren zenbait gai bideratzen lagundu zuten. Era berean, adierazi zutenenez, aurrerapenak bide onetik doaz, eta Opengela “oso proiektua arrakastatsua” da Europako hainbat erakundetan. Izan ere Opengela eredua EB osoan errepikatzearen alde daude.

Kontseiluan Euskal Autonomia Erkidegoko eta Europako erakundeak daude ordezkatuta. Euskal Herriko Arkitektoen Elkargo Ofizialaren (EHAEO), Bizkaiko Aparejadore eta Arkitekto Teknikoen Elkargo Ofizialaren (COAATBI) eta eraikuntza-enpresen eta enpresa sustatzaileen patronalen (ASCOBI) (Bizkaia), ASCONGI (Gipuzkoa) eta SEA Uneca (Araba) bitartez, arkitekturako profesionalen kolektiboa sartzen da, zeinek bere arloan ezagutza teknikoak eta aholkuak ematen baititu.

Euskadiko Udalen Elkartea (Eudel) ere aholku batzordeko kide da. Herri Administrazioari buruzko ezagutzarekin eta ikuspegiarekin laguntzen du, eta Opengelan garatutako konponbideak merkatuan azkarrago ezartzeko ideiekin laguntzen du. Estatuko Administrazioa ere batzordearen parte da, Etxebizitza eta Hiri Agenda Ministerioaren bidez (MIVAU).

Europaren ikuspegia

Nazioarteko erakundeen presentzia nabarmena da aholku-batzordean. Adibide bat Renovate Europe da, Efficient Buildings Europe-ren ekimena, 2050era arte higiezinen parkearen energia-eskaria % 80 murriztera bideratua.

Eta beste kide bat Housing Europe da, Etxebizitza Publiko, Kooperatiba eta Sozialaren Europako Federazioa, 25 milioi etxe inguru kudeatzen dituena, Europan dauden etxebizitzen % 11 inguru. Dimentsio soziala ematen du, eta Opengela partzuergoan parte hartu zuen Europako aurreko proiektuan (HIROSS4all), 2019tik 2023ra Horizon 2020 programaren finantzazioa jaso zuena. Proiektuaren irisgarritasunean eta jasangarritasunean jartzen du arreta, pertsonen onurarako.

Halaber, Europako ikuspegia eta klima-aldaketarekin lotutako informazioa Climate-KIC -ek ematen du. Europako Berrikuntza eta Teknologia Institutuaren (EIT) komunitateetako bat da, eta Hiri Misioaren Europako plataforma koordinatzen du, eta, UPMrekin batera, citiES 2030 ekimena gidatzen du Espainian.

Era berean, etxebizitzen jabeen ikuspuntua ziurtatuta dago Jabeen Nazioarteko Batasunaren (UIPI) presentziarekin, 28 herrialdetako 31 erakunde eta Euskadin ordezkaritza duen elkartea.

Aditu-talde horrek guztiak Opengela programa garatzeko eta hobetzeko aholkuak ematen dizkio BIRTUOSS partzuergoari, eta hiri-berroneratzearen eremuan balio-katearen barruan garrantzitsuak diren beste eragile batzuen ikuspuntuarekin laguntzen du. Proiektu europarrak irauten duen bitartean parte hartzea aurreikusten da. Ekarpen hori funtsezkotzat jotzen da BIRTUOSSen kalitatezko kudeaketa-eredu bat garatzeko, auzo-eskalako hiri-eraldaketan oinarritutako ikuspegi integral batekin.

OPENGELA NEWSLETTER

Recibe todas las noticias relacionadas con Opengela.
Co-financiado por la Unión Europea. Los puntos de vista y opiniones expresadas son únicamente los de sus autores y no reflejan necesariamente los de la UE o CINEA. Ni la Unión Europea ni la autoridad financiadora pueden ser consideradas responsables de ellos.

OPENGELA

Successful subscription

Logo