Zure eskualdean etxea berritzeko zerbitzu integrala

Opengela Euskadin berrikuntza integraleko zerbitzua da. Proiektuak ekonomikoki bideragarria den negozio-eredu bat erabiltzen du, herritarren parte-hartze aktiboa eta finantza-tresna berritzaile bat barne hartzen dituena. Horrek bermatzen du berrikuntza-zerbitzua egokia izatea kaltebera den biztanleriarentzat.

Urteetan garatu eta 6 auzo pilotu martxan jarri ondoren, Opengela modeloa prest dago Euskal Autonomia Erkidegoan ez ezik, Espainiako eta Europako beste leku batzuetan ere erreplikatzeko.

Deialdi honekin, proiektuak Europa osoko 5 eskualde eta hiri gonbidatzen ditu Euskadira etor daitezen, bulego pilotuek nola funtzionatzen duten ikusteko eta Opengela eredutik beren lurraldean erreplika dezaketena eramateko.

Nortzuk? Deialdia irekita dago etxebizitzak berritzeko zerbitzu integratua garatu nahi duten eta eskualdearen hiri-berroneratzean eragina izan dezaketen eskualdeko edo tokiko energia-agentzientzat edo Europako agintari publikoentzat.

Zer? Parte-hartzaileek 2 eguneko bisita izango dute Euskal Autonomia Erkidegora, Opengela modeloak nola funtzionatzen duen ikusteko.

¿Nola? Galdetegiari 2021eko urriaren 31 baino lehen erantzunez, informazio zehatz eta osoarekin. Ingelesezko eskaerak bakarrik ebaluatuko dira.

ESKAERAK

Egitasmo honek Europar Batasunaren Horizon 2020 ikerketa eta berrikuntza programaren dirulaguntza jaso du, zbk. 846707 dirulaguntza-hitzarmenaren arabera

Otxar Opengela

Helbidea: Pau Casals hiribidea, 16 (Otxarkoaga, Bilbo).

Telefono zenbakia: 946 85 19 32

Posta elektronikoa: otxaropengela@vvmm.bilbao.eu

Txonta Opengela

Helbidea: Txonta kalea, 3, beheko solairua (Eibar)

Telefono zenbakia: 688 77 97 37

Posta elektronikoa: txontabulegoa@eibar.eus

EHAEO Gipuzkoak bisita egingo du Otxarkoaga eta Txontara, Arkitekturaren Munduko Eguna dela eta

Urriaren lehen astelehenean Arkitekturaren Munduko Eguna dela eta, Euskal Herriko Arkitektoen Elkargo Ofizialak (EHAEO), Gipuzkoako ordezkaritzan, programa bat prestatu du, eraikinak birgaitzearen eta hiri-berroneratzearen garrantzia nabarmentzeko. Ekitaldi nagusi gisa, Otxarkoagako (Bilbo) eta Txontako (Eibar) Opengeletara bisita gidatua antolatu du urriaren 4rako. Auzoko bulego horiek auzokoei laguntzen diete eraikinak birgaitzeko prozesu osoan.

Gipuzkoako EHAEOk bere kide guztiak gonbidatu ditu autobusez egingo den txango honetara. Donostiatik abiatuko da eta Bilbora eta Eibarrera iritsiko da. Lehen helmuga Otxarkoaga auzoa izango da. Bertan, Ignacio de la Puerta Eusko Jaurlaritzako Lurralde Plangintzaren eta Hiri Agendaren zuzendariak eta Claudia Pennese Gipuzkoako EHAEOko kultura batzordekideak ongietorria egingo diete bertaratutakoei, eta Europako Opengela proiektua zertan datzan azalduko dute.

Proiektua aurkeztu eta auzoko bulegoek nola funtzionatzen duten azaldu ondoren, Otxarkoaga bisitatuko dute. Bazkalostean, Eibarrera joango dira, Txontako Opengela ezagutzera. Parte hartzea guztiz doakoa da, baina ezinbestekoa da aldez aurretik Gipuzkoako EHAEOren webgunean izena ematea.